İran pilotsuz təyyarə ilə İsrailin hərbi obyektlərinin görüntüsünü əldə edib
Lent.az-ın İTAR-TASS agentliyinə istinadən verdiyi məlumata görə, bunu bu gün İran parlamentinin Təhlükəsizlik komitəsinin rəhbəri İsmayıl Kousari bəyan edib. İslam İnqilabını Mühafizə Korpusunun mütəxəssisləri pilotsuz təyyarəni oktyabrın 6-da Livan ərazisindən buraxıblar. Pilotsuz təyyarə Aralıq dənizi üzərində uçub, daha sonra Qəzza sektoruna, oradan da İsrailin hava məkanına daxil olub. Pilotsuz təyyarə İsrailin hava məkanında 55 kilometr uçandan sonra vurulub. “Hizbullah” Hərəkatı bəyan edib ki, pilotsuz təyyarə Livana məxsusdur, aparat İranda yığılıb. İsmayıl Kousari isə deyib ki, pilotsuz təyyarə İsrail hava məkanında uçan zaman canlı translyasiya gedib, obyektlərin yerləri müəyyənləşdirilib.
1010