Neytron bombasını yaradan öldü

Lent.az-ın “The New York Times” qəzetinə istinadən verdiyi məlumata görə, mədə xərçəngindən əziyyət çəkən 89 yaşlı alim Los-Ancelsdə evində həyatını itirib.

Xatırladaq ki, Samuel Koen neytron bombasının konsepsiyasını 1958-ci ildə təklif edib. İnfrastruktura toxunmayan və radiasiya yaratmayan, ancaq canlı qüvvəni məhv edən neytron bombasının ilk sınağı 1963-cü ildə Nevada poliqonunda keçirilib. ABŞ prezidenti Cimmi Karter 1978-ci ildə silahın hazırlanmasını dayandırıb, ancaq 1981-ci ilə layihə yenidən işlənilməyə başlanılıb.