Berluskoni daha baş nazir olmaq istəmir

İtaliyanın baş naziri Silvio Berluskoni növbəti müddətdə baş nazir postunu tutmaq üçün mübarizə aparmayacağını bəyan edib.

Lent.az-ın verdiyi məlumata görə, Silvio Berluskoni bunu “La Repubblica” qəzetinə müsahibəsində söyləyib. O, növbəti seçkilərdə sağ-mərkəzçilərin baş nazir postuna namizədinin hazırkı ədliyyə naziri Ancelino Alfano olacağını da bildirib: “Mən birmənalı olaraq namizəd olmayacağam. Sağ-mərkəzçilərin namizədi Ancelinl Alfano olacaq və mən onun seçki kampaniyasına kömək edəcəyəm. Bacarsaydım, elə indi baş nazir postundan gedərdim”.

Silvio Berluskoni İtaliya prezidenti olmağa da hazırlaşmadığını vurğulayıb.