15 yaşlı qız Bakını şoka saldı! - TƏFƏRRÜAT

Bakıda 20 gün əvvəl evdən qaçmış 15 yaşlı qız tapılıb. Hüquq-mühafizə orqanlarından Lent.az-a verilən məlumata görə, Qaradağ rayonunun Qobustan qəsəbəsində yaşayan 15 yaşlı S.B. sentyabrın 20-də evdən çıxıb və geri qayıtmayıb. O, oktyabrın 9-da Dənizkənarı Milli Park ərazisində tapılıb və ailəsinə qaytarılıb.

Araşdırmalar nəticəsində məlum olub ki, 15 yaşlı S.B. sentyabr ayında tanışlıq saytlarının birində iki oğlanla tanış olub. Oğlanlarla danışdıqdan sonra yeniyetmə qız evdən qaçıb və onlarla görüşüb. Gənc oğlanlar 15 yaşlı qızı saxlamaq üçün ev kirayələyiblər. Qız onu da bildirib ki, geridə qalan 20 gün ərzində oğlanlar onunla cinsi münasibətdə də olublar, vaxtaşırı şəhərə gəzintiyə çıxıblar. Belə gəzintilərdən birində isə ailəsi tərəfindən axtarışa verilmiş 15 yaşlı S.B. polis əməkdaşlarının diqqətini cəlb edib.

Məsələ ilə bağlı məlumat daxil olan kimi, qızla cinsi münasibətdə olmuş oğlanların şəxsiyyəti müəyyənləşdirilib və onlar saxlanılıb.

Hazırda fakt üzrə ekspertizalar təyin olunub, digər zəruri araşdırmalar aparılır.

Nizam RZA