Bakıda üçəm doğulub

Bakıda üçəm dünyaya gəlib. Körpələr 1983-cü il təvəllüdlü Sevan Kamilovun və 1983-cü il təvəllüdlü Rəmziyyə Salamnovanın ailəsində dünyaya gəlib.

Hər üçü oğlan olan körpələr Nəsimi rayonu Qasımov adına 1 saylı doğum evində doğulublar. Yeni doğulan üçəmlərin ikisi 1 kq 500 q, biri isə 1 kq 800 qram çəkidədir. Hazırda körpələrin səhhətində heç bir problem yoxdur.

Rəmziyyə Salamnovanın sözlərinə görə, üçəmlər onların ikinci övladlarıdır. Belə ki, cütlük ailə qurduqdan 4 il sonra ilk oğlanları dünyaya gəlib. Bundan 3 il sonra ailə yenidən övlad sevinci yaşayıb.