Müğənninin qəzaya düşməsi ilə bağlı rəsmi məlumat yayıldı

Lent.az-ın nazirliyin rəsmi saytına istinadən verdiyi məlumatda deyilir ki, oktyabrın 13-də saat 16.20 radələrində Şəmkir rayonunun Zəyəm qəsəbəsi ərazisində, Xəyyam Əliyevin idarə etdiyi "Niva", Tovuz rayon sakini Şəbnəm Əsədovanın idarə etdiyi "İnfiniti" və Sahib Məmmədovun idarə etdiyi "VAZ-21013" markalı avtomaşınlar toqquşublar. Nəticədə xəsarət alan Xəyyam Əliyev və Şəbnəm Əsədova xəstəxanaya yerləşdirilib, vəziyyətləri orta-ağırdır.

Qeyd edək ki, Şəbnəm Əsədova qərb bölgəsində tanınmış müğənnidir. Şəbnəm Tovuzlu təxəllüsü ilə çıxış edən müğənni bir çox mahnıların müəllifidir.

Faktla bağlı araşdırma aparılır.

Jalə