Azərbaycanda dəmir yolu relslərini sökən qadınlar tutulub

Nəqliyyatda Baş Polis İdarəsi əməkdaşları 4 nəfəri yaxalayıb. Lent.az-ın Daxili İşlər Nazirliyinin saytına istinadən verdiyi məlumata görə, həyata keçirilən əməliyyat-axtarış tədbirləri nəticəsində oktyabrın 14-də Samux rayonunun Alabaşlı kəndi ərazisindən keçən dəmir yolundan 18 ədəd rels altlıqlarını və 176 ədəd kastilləri oğurlamağa cəhd göstərmiş rayon sakinləri Eldəniz Babayev, Gülnaz Rəhimova, Şəmkir rayon sakinləri Samir Əhmədov, Şahzadə Mehdiyeva saxlanılıb.

Saxlanılan şəxslər ətrafında araşdırmalar davam etdirilir.