Cəbhəboyu ərazilərimiz atəşə tutulub

Erməni silahlı bölmələri bir neçə istiqamətdən mövqelərimizi atəşə tutub. Müdafiə Nazirliyinin mətbuat xidmətindən Lent.az-a verilən xəbərə görə, düşmən qüvvələri
dünən və bu gecə Xocavənd rayonunun Kuropatkino, Tərtər rayonunun Göyarx, Füzuli rayonunun Horadiz, Aşağı Seyidəhmədli, Qorqan kəndləri yaxınlığında və Göygöl rayonunun ərazisindəki adsız yüksəkliklərdə yerləşən mövqelərdən atəşkəs rejimini pozublar.

Düşmən cavab atəşi ilə susdurulub.