Bu gün Hüseyn Arabulun şikayətinə baxılacaq

Bu gün “Barmek-Azərbaycan” Elektrik Şəbəkəsinin prezidenti Hüseyn Arabulun işi üzrə apelyasiya şikayətinə baxılacaq.

Türkiyəli iş adamının vəkili Abbas Atakişi Lent.az-a açıqlamasında bildirib ki, müdafiə etdiyi şəxsin iki ay müddətinə həbs edilməsi haqda Səbail Rayon Məhkəməsinin çıxardığı qərardan apellyasiya şikayəti iyunun 8-də Bakı Apellyasiya Məhkəməsinə təqdim olunub. Onun sözlərinə görə, şikayətə baxılmaq üçün qanunla müəyyən edilmiş müddət bu gün başa çatır.

Xatırladaq ki, Hüseyn Arabul iyunun 3-də Azərbaycandan Gürcüstana keçmək istəyərkən Şəmkir Sərhəd Dəstəsinin sərhədçiləri tərəfindən saxlanılıb. Ertəsi gün onun barəsində həbs-qətimkan qərarı çıxarıb. Qərar elan olunandan sonra türkiyəli iş adamı 1 saylı Bayıl İstintaq Təcridxanasına aparılıb.

Elxan SALAHOV