Beyləqanda QƏZA: 3 nəfər yaralandı

Beyləqanda yol-nəqliyyat hadisəsi baş verib.

Lent.az APA-ya istinadən xəbər verir ki, hadisə Hacıqabul–Bəhrəmtəpə–Mincivan avtomobil yolunun Beyləqan rayonu ərazisindən keçən hissəsində qeydə alınıb.

"Toyota" və "Renault" markalı minik avtomobilləri toqquşub.

Nəticədə 3 nəfər xəsarət alıb.

Yaralılar Füzuli Rayon Mərkəzi Xəstəxanasına çatdırılıb.

Faktla bağlı araşdırma aparılır.