ABŞ-da bir qadın dənizdə boğulan kişini xilas edib və sonradan onun ikiqat qətldə iştirak edə biləcəyini öyrənib.
Soyadını açıqlamayan Belinda, Florida ştatındakı Riomar çimərliyində səhər gəzintisi zamanı suda çətinlik çəkən bir kişinin kömək çağırdığını gördüyünü və tərəddüd etmədən ona yardıma tələsdiyini söyləyib.
Lent.az-ın xarici mediaya istinadən xəbərinə görə, qadın həmin şəxsə arxası üstə uzanmağı və dalğaların onu sahilə aparmasına imkan verməyi məsləhət görüb. Onun sözlərinə görə, kişi tükənmiş görünüb və orğunluqdan şikayətlənib.
"Beləliklə, o, arxası üstə uzanıb dedi: “Tükənmişəm, yorğunam”. Mən də dedim ki, “Bunu et! Arxası üstə uzan və dalğaların səni aparmasına icazə ver, sən bunu edə bilərsən, gəl”, - qadın izah edib.
Xilasetmə zamanı kişi uzun müddətli tətilə getmək niyyətindən də danışıb. Nəticədə Belinda onun sahilə təhlükəsiz çatmasına kömək edib. Polisin yaydığı görüntülərdə Belinda hadisədən dərhal sonra onun yanında dayandığı görünür.
Hüquq-mühafizə orqanları daha sonra xilas edilmiş kişinin ikiqat qətl şübhəlisi olan 64 yaşlı Cessi Skott Ellis olduğunu müəyyən edib. Müstəntiqlər onun həmin səhər Vero-Biçdəki İndian-River dairəsinin Əsas kitabxanasının dayanacağında həyat yoldaşı Steysi Ellis Meysonu və onun yanındakı Denni Ulini güllələmiş ola biləcəyini ehtimal ediblər.
Polisin məlumatına görə, Meyson və 56 yaşlı Uli arasında romantik münasibətlər olub. Müşahidə kameraları onların ayrı-ayrı maşınlarla dayanacağa gəlişini qeydə alıb, daha sonra qadın kişinin maşınına əyləşib.
AR-15 tipli tüfənglə silahlanmış Ellis tezliklə əraziyə gələrək cütlüyün olduğu maşına atəş açıb və hadisə yerindən qaçıb.
Hüquq-mühafizə orqanları həmçinin yaxınlıqda geyimli və uydurulmuş adla suya girən bir kişinin də olduğunu bildirib. Onun avtomobilində aparılan axtarış zamanı yaş paltar, boş silah qutusu və maqazin aşkar edilib.
Müstəntiqlər həmçinin şübhəlinin intihar etmək niyyətini göstərə biləcək səs yazıları da aşkar ediblər. Mart ayının əvvəlinə aid sənədlərdə o, emosional vəziyyətini təsvir edərək nə yeyə, nə də yata bildiyini və "gizlənmək" istədiyini qeyd edib.
Həmin axşamdan etibarən şübhəli azadlıqda qalıb və yerli sakinlərə axtarış zonasında gücləndirilmiş təhlükəsizlik tədbirləri barədə xəbərdarlıq edilib.
Kimi xilas etdiyini öyrəndikdən sonra Belinda eyni şeyi edəcəyini etiraf edib, amma həqiqəti bilsəydi, dərhal polisə müraciət edəcəyini də söyləyib.
"Nə olursa olsun, onu suda qoya bilməzdim. Hər kəsin öz problemləri var", - Belinda deyib.
Şübhəlinin taleyi hələ ki məlum deyil. Həbs olunarsa, ona ölüm cəzası da daxil olmaqla, ağır cəza nəzərdə tutan iki birinci dərəcəli qətl maddəsi ilə ittiham irəli sürülə bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
