Bakıda 35 yaşlı qadın yoxa çıxıb

Bakıda 35 yaşlı qadın itkin düşüb. Suraxanı rayon Polis İdarəsindən Lent.az-a verilən məlumata görə, Bülbülə qəsəbəsi, Deputat küçəsində yaşayan 1979-cu il təvəllüdlü Hüseynova Xanım Mikayıl qızı yaşadığı evdən naməlum istiqamətdə gedib və bir daha geri qayıtmayıb. Qadının sübh çağı, saat 05 radələrində evdən çıxması yaxınlarını daha da narahat edib. Onun xarakterik əlamətləri polisə təqdim olunub. Axtarış tədbirləri davam etdirilir.