Bakının daha bir küçəsində hərəkət dayandırılacaq

Bakıda daha bir yolda nəqliyyatın hərəkət məhdudlaşdırılacaq. Nəqliyyatı İntellektual İdarəetmə Mərkəzindən Lent.az-a verilən məlumata görə, yol cizgiləri xətlərinin, piyada keçidlərinin və yol göstərici xətlərin yenidən rənglənməsi məqsədilə bu gün saat 11:00-dan etibarən, Əhməd Rəcəbli küçəsində nəqliyyat vasitələrinin hərəkəti hissə-hissə məhdudlaşdırılacaqdır.

Sürücülərə alternativ olaraq Atatürk prospekti və Aşıq Molla Cüma küçələrindən istifadə etmələri tövsiyə olunur.