Mebel salonu KÜLƏ DÖNDÜ

Zaqatalada mebel salonunda yanğın olub. Yanğın Zaqatala şəhərində Hüseynova Qəmər Yaqub qızına məxsuz, ümumi sahəsi 4000 kv/m olan “KRAL” mebel salonuna bitişik tikilmiş 1800 kv/m-lik anbarının çardaq hissəsində baş verib. Hadisə yerinə Fövqaladə Hallar Nazirliyinin Zaqatala rayon Dövlət Yanğından Mühafizə Hissəsinin 4 yanğınsöndürən maşını və canlı qüvvəsi cəlb edilib. Yanğın nəticəsində mebel salonunun anbarının çardaq hissəsi 900 kv/m sahədə yanaraq yararsız hala düşüb. Anbarın qalan hissəsi və mebel salonu yanğından mühafizə edilib. Yanğın zamanı mebel salonunda işləyən işçilərdən xəsarət alan olmayıb. Yanğının səbəbləri aparılacaq araşdırmalardan sonra məlum olacaq. Faktla bağlı FHN-nin Zaqatala rayon DYMH-də araşdırma aparılır.