Norveç milli komandası 2026-cı il Dünya çempionatından əvvəl Vikinq mövzusunda fotosessiya etdirib. Komandanın ulduz oyunçusu Erlinq Haland üçün xüsusi Vikinq döyüşçüsü pozası da hazırlanıb.
Lent.az-ın xarici mediaya istinadən məlumatına görə, 2026-cı il Dünya çempionatında mübarizə aparacaq Norveç milli komandası turnir öncəsi xüsusi fotosessiya ilə xəbərlərin manşetinə çevrilib.
Vikinq mədəniyyətindən ilhamlanan Norveç futbolçuları qalxan, qılınc və Viking gəmiləri ilə poza veriblər. Fyord fonunda çəkilmiş fotosessiya azarkeşlərin böyük marağına səbəb olub.
Komandanın ulduz oyunçusu Erlinq Haland üçün xüsusi bir şəkil hazırlanıb. Vikinq döyüşçü geyimində poza verən "Mançester Siti"nin hücumçusu əlindəki qılınc və qalxanla diqqət çəkib. Norveç Futbol Federasiyasının paylaşdığı şəkillərdə Halandın komandanın aparıcı fiquru kimi təsvir edilməsi futbol azarkeşlərinin diqqətindən yayınmayıb.
Uzun illərdən sonra Dünya çempionatı səhnəsinə qayıdan Norveçdə bütün diqqətlər ulduz oyunçulara, xüsusən də Erling Haaland və Martin Odeqaarda yönələcək.
Vikinq mövzulu paylaşım, turnirdən əvvəl Norveçin ambisiyasını və milli birlik mesajını əks etdirən xüsusi səylərdən biri kimi şərh edilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
