“APA-Ekonomist” analitik jurnalının növbəti sayı çapdan çıxıb

“APA-Economics”in məlumatına görə, 2010-cu ilin fevral ayından nəşr olunan jurnalın artıq 8 buraxılışı işıq üzü görüb.

“APA-Ekonomist” jurnalında oxucular respublikanın sosial-iqtisadi həyatının müxtəlif sahələri üzrə icmal və analitik xarakterli məqalə və araşdırma yazıları ilə tanış ola bilərlər. Bu nömrədə geosiyasi, makroiqtisadi, bank, qiymətli kağızlar, tibbi sığorta, təhsil və digər sahələr üzrə analitik məqalələr yer alıb.

Jurnalın bu sayında makroiqtisadi, bank, daşınmaz əmlak, qaz hasilatı və digər sahələr üzrə analitik məqalələrlə yanaşı, Azərbaycanda fəaliyyət göstərən bankların 50-dən çox bank göstəriciləri üzrə renkinqləri dərc olunub.

Qeyd edək ki, əvvəllər “APA-Ekonomist” jurnalını yalnız redaksiya vasitəsilə abunə yolu ilə almaq mümkün idisə, iyunun əvvəlindən etibarən bu dərgini “Qasid”, “Qaya” və “Azərmətbuatyayım” şirkətlərinin Bakı və Sumqayıt şəhərləri ərazisində fəaliyyət göstərən köşklərindən almaq, həmçinin abunə olmaq mümkündür. Bununla yanaşı, “Ekonomist” və “Metro-Servis” şirkətləri arasında imzalanmış əməkdaşlıq müqaviləsinə əsasən, jurnalın buraxılışlarını Bakı Metropoliteninin stansiyalarında da almaq olar.

Jurnal ayda bir dəfə, rus dilində, 3 min tirajla, A4 formatında nəşr olunur.