Azərbaycan Respublikasının Dövlət Gömrük Komitəsinin Sədri Aydın Əliyev Argentinaya səfəri çərçivəsində bir sıra görüşlər keçirib.
Xarici İşlər Nazirliyinin mətbuat xidmətindən Lent.az-a verilən məlumata görə, Aydın Əliyev öncə Argentinanın sənaye naziri Debora Giorgi ilə görüşüb.
Görüşdə iki ölkə arasında ticarət dövriyyəsinin hazırkı vəziyyəti və iqtisadi əlaqələrin genişləndirilməsi perspektivləri barədə fikir mübadiləsi aparılıb. Debora Giorgi cari il ərzində Argentina iş adamlarının müşayiəti ilə Azərbaycana səfərinin planlaşdırıldığını bildirib.
Aydın Əliyev səfər çərçivəsində Argentinanın ən iri biznes strukturları olan Argentina Sənayeçilər İttifaqının prezidenti Miguel Asebedo və Buenos-Ayres Ticarət Birjasının prezidenti Adelma Gabbi arasında fərdi görüşlər də keçirilib. Görüşlərdə Azərbaycan-Argentina iqtisadi əməkdaşlığının genişləndirilməsinə bu strukturların cəlb olunması imkanları müzakirə edilib.
Daha sonra Dövlət Gömrük Komitəsinin sədri Latın Amerikasının ən iri kitabxanalarından biri olan Argentina Respublikası Milli Kitabxanasının direktoru Orasio Qonzales ilə görüşüb və kitabxanaya Dövlət Gömrük Komitəsi tərəfindən nəşr olunmuş “Azərbaycan gömrüyü mədəni irsin keşiyində”, “Azərbaycan gömrüyü tarixi təsviri sənətdə”, “Azərbaycan gömrüyü: tarixi ənənələr və müasirlik”, “Azərbaycan gömrük muzeyləri” adlı kitabları təqdim edib.
Səfər çərçivəsində Latın Amerikasının ən nüfuzlu incəsənət muzeylərindən olan Argentina Milli İncəsənət Muzeyinin direktoru Maria İnes ilə də görüş keçirilib. Muzeyə Qarabağ və Şirvan xalçaçılıq məktəbləri tərəfindən toxunmuş xalçaları hədiyyə edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
666
Oxşar yazılar
"Azercell" ADA-nın Karyera Hazırlığı Həftəsində iştirak edib - VİDEO
17 may 2024 , 18:06
Mahayət Nəbiyev: “Kristal Abşeron" tikintidə enerji qənaəti üçün innovativ texnologiyalarda istifadə edir
17 may 2024 , 17:50
"Kapital Bank"ın 2023-cü ilin yekunlarına həsr olunmuş mətbuat konfransı keçirilib
17 may 2024 , 15:29
“Nar” voleybol üzrə milli komandalarımıza Qızıl Avropa Liqasında uğurlar arzulayır
17 may 2024 , 12:57
"Unibank"ın biznes üçün “Bahar endirimi” kampaniyası davam edir
17 may 2024 , 10:57
Sabah Sumqayıtın bu ərazilərində qaz kəsiləcək
16 may 2024 , 17:04“Azərsun Holdinq” sərgidə qida, qeyri-qida və kənd təsərrüfatı stendləri ilə təmsil olunur
16 may 2024 , 15:57
