DəmirBank-dan xanımlara şad xəbər - FOTO

Lent.az-ı məlumatına görə, bank 1-31 mart 2011-ci il tarixlərində avtomobil kreditləri üzrə güzəştli kampaniya keçirir. Hazırda davam edən kampaniya çərçivəsində xanımlar DəmirBank-ın istənilən filialından yeni avtomobillər üçün ən azı 20% ilkin ödəniş etdikdə krediti illik 18%, ən azı 50% ilkin ödəniş etdikdə isə illik 17% dərəcəsi ilə əldə edə bilər.

Bununla yanaşı, DəmirBank 8 mart bayramında şəhərin mərkəzi küçələrində gül paylama aksiyasını həyata keçirib. Aksiya zamanı şəhərin mərkəzi küçələrində bayram münasibətilə 300 nəfər xanıma gül təqdim edilib.

Həmçinin 8 mart Beynəlxalq Qadınlar Günü münasibəti ilə “İrəli” İctimai Birliyinin təşkil etdiyi və müxtəlif ictimai təşkilatların qatıldığı tədbirdə DəmirBank 8 mart münasibətilə keçirdiyi işlər barədə təqdimat ilə iştirak edib.

Qeyd edək ki, ölkənin ilk banklarından olan DəmirBank (əvvəlki adı Azərdəmiryolbank) 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.