Bakıda vergi ekspertlərinin 7-ci beynəlxalq seminarı keçirilir

Lent.az-ın məlumatına görə, seminarın məqsədi beynəlxalq miqyasda vergi siyasəti, dövlət və hökumət rəsmilərini, qanunverici şəxsləri, investorları, vergi ekspertlərini bir araya gətirməkdən ibarətdir.

Tədbir İTİC-nın insanları və resursları birləşdirmə missiyasına uyğun olaraq regional toplantılardan biridir. Əvvəlki seminarlar Asiya və Avropa qitələrinin aparıcı ölkələrinin paytaxtlarında: Paris, Moskva, Astana, Sinqapur, Dubayda keçirilib.

Bu cür regional toplantılar əsasən vergi məsələləri ilə bağlı fəaliyyət göstərən dövlət və qeyri-hökumət təşkilatlarının nümayəndələri, o cümlədən müstəqil ekspertlər arasında fikir mübadiləsi aparmaq istiqamətində çox faydalıdır. Seminarda vergi siyasətinə dair müxtəlif məsələlər, vergi auditi, investorların dövlətdəki maraqlarının balanslaşdırılması üçün həyata keçirilən vergi siyasəti, regional institutların fəaliyyəti müzakirə edilir.

Tədbirdə Avrasiya İqtisadi Birliyinin, Avropadaxili Vergi Administrasiyaları Təşkilatının Rusiya, Gürcüstan, Türkmənistan, Ukrayna və Qazaxıstanın nümayəndə heyətləri, Azərbaycanın dövlət və hökumət nümayəndələri, müstəqil ekspertlər iştirak edirlər.

Ramiz