Lent.az-ın verdiyi məlumata görə, seminarda Norveç şahzadəsi Xokon Maqnus, “Statoil”in rəhbəri Sveyn Rennemo, Norveçin neft naziri Ola Borten Moe, Azərbaycan Dövlət Neft Fondunun rəhbəri Şahmar Mövsümov və Hasilat Sənayesində Şəffaflıq təşəbbüsünün çoxtərəfli qrupunun üzvü Qubad İbadoğlu iştirak ediblər.
Ş.Mövsümov bildirib ki, Azərbaycan şəffaflıq təşəbbüsünə 2003-cü ildə qoşulub. O qeyd edib ki, bu gün hər bir Azərbaycan vətəndaşı bir barel neft və bir kub qazdan belə nə qədər gəlir daxil olduğunu bilir, gəlirlərlə bağlı məlumatlar ictimaiyyətə açıq formada çatdırılır.
Norveç neft naziri deyib ki, Azərbaycan bu günə qədər 13 hesabat təqdim edib. O, bu sahədə görülən işləri təqdir edib.
Q.İbadoğlu isə deyib ki, Azərbaycan hökuməti 2004-cü ildən şəffaflıq təşəbbüsündə vətəndaş cəmiyyətinin iştirakını təmin edib. O bildirib ki, bu, şirkətlər və vətəndaş cəmiyyəti nümayəndələrinin birlikdə iştirak etdiyi və qərar qəbul etdiyi yeganə formatlardan biridir: “Çox tərəfli qrupda vətəndaş cəmiyyəti nümayəndələri müzakirələrdə iştirak etsə də, onların təkliflərinin qəbul edilməsində problemlər var. Buna misal olaraq, neft haqqında qanunla bağlı təkliflərinin müzakirə edilmədiyini göstərmək olar.” Q.İbadoğlu bildirib ki, neft və qaz gəlirlərinin açıqlanmasında şəffaflıq təmin olunsa da, bu gəlirlərin xərclənməsində də şəffaflıq təmin edilməlidir. O qeyd edib ki, şirkətlər də gəlir və xərclərlə bağlı fərdi hesabat verməlidirlər.
Ş.Mövsümov sonda deyib ki, Azərbaycan və Norveç şəffaflıq sahəsində təcrübələrini bölüşməlidirlər. O bildirib ki, Azərbaycan öz təcrübəsini Norveçlə bölüşməyə borcludur. Q.İbadoğlu da deyib ki, Azərbaycanın bu sahədə Norveçdən daha təcrübəlidir.
Ramiz Mikayıloğlu
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
623
Oxşar yazılar
"Azercell" ADA-nın Karyera Hazırlığı Həftəsində iştirak edib - VİDEO
17 may 2024 , 18:06
Mahayət Nəbiyev: “Kristal Abşeron" tikintidə enerji qənaəti üçün innovativ texnologiyalarda istifadə edir
17 may 2024 , 17:50
"Kapital Bank"ın 2023-cü ilin yekunlarına həsr olunmuş mətbuat konfransı keçirilib
17 may 2024 , 15:29
“Nar” voleybol üzrə milli komandalarımıza Qızıl Avropa Liqasında uğurlar arzulayır
17 may 2024 , 12:57
"Unibank"ın biznes üçün “Bahar endirimi” kampaniyası davam edir
17 may 2024 , 10:57
Sabah Sumqayıtın bu ərazilərində qaz kəsiləcək
16 may 2024 , 17:04“Azərsun Holdinq” sərgidə qida, qeyri-qida və kənd təsərrüfatı stendləri ilə təmsil olunur
16 may 2024 , 15:57
