DəmirBank Bermud Electronics ilə məişət texnikasının kreditlə satışı proqramını genişləndirir

DəmirBank məişət, kompüter və digər texnika satışını həyata keçirən Bermud Electronics şirkəti ilə əməkdaşlığı genişləndirir. Kredit proqramının şərtlərinə əsasən Bermud Electronics mağazalarında müxtəlif texnika və avadanlıqları 3 aydan 18 ayadək sərfəli kredit şərtləri ilə almaq mümkündür.

Kreditin məbləği 400-dən 3000 ABŞ dollarınadək ola bilər. Kredit məbləği 1000 ABŞ dollarınadək olarsa, ilkin ödəniş tələb edilmir, məbləğ 1000 ABŞ dollarından yuxarı olduqda isə alınan malın 20% dəyərində ilkin ödəniş zəruridir.

Kredit alan şəxsin ən azı 3 ay müddətində dövlət təşkilatında və ya sabit maliyyə durumu olan özəl müəssisədə iş stajı olmalıdır. Kredit şəxsiyyət vəsiqəsi əsasında verilir.

Bermud Electnonics şirkətinin Bakı şəhərində 2 mağazası fəaliyyət göstərir – Ş.Məmmədova küç. 1 (tel: 562 77 99) və M.Hadı küç. 23/24 (tel: 376 77 78).

DəmirBank müxtəlif proqramlar üzrə əhaliyə və şirkətlərə geniş çeşiddə kredit məhsulları təqdim edir. Bu sırada mikro və kiçik biznes üçün kreditlər, ipoteka krediti, avtomobil krediti, təhsil və səhiyyə işçilərinə kredit, dövlət işçilərinə və qulluqçularına kredit, mebel krediti, təmir və digər istehlak kreditləri mövcuddur.

Daha ətraflı məlumat əldə etmək üçün www.demirbank.az saytına daxil olmaq və ya Telefon Məlumat Mərkəzi – 149 nömrəsinə zəng etmək olar.