2022-ci ilin 7 aylıq dövründə Antalyaya hava yolu ilə gələn turistlərin sayı 6 milyon 688 minə çatıb.
Lent.az TRT-yə istinadən bildirir ki, Antalya Valiliyinin məlumatına görə, "Covid-19" epidemiyasının təsirinin azalması və Təhlükəsiz Turizm Sertifikatı sayəsində Antalyaya gələn xarici turistlərin sayında ciddi artım olub.
Yanvar-iyul dövründə hava yolu ilə şəhərə gələnlərin sayı əvvəlki ilin eyni dövrü ilə müqayisədə 97 faiz artaraq 6 milyon 688 min 506 nəfər olub.
Mövsümün ən aktiv dövrü olan iyul ayında hava yolu ilə şəhərə gələn turistlərin sayı 2 milyon 403 min 992 nəfərə çatıb.
Cari ilin 7 aylıq dövründə ən çox turist 1 milyon 363 min 526 nəfərlə Almaniyadan gəlib.
İkinci yeri 1 milyon 275 min 353 turistlə Rusiya, üçüncü yeri isə 617 min 440 turistlə İngiltərə tutub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
