Tim McGraw səhnədə yıxıldı, amma konserti dayandırmadı

Məşhur kantri müğənnisi Tim McGraw Cincinnati şəhərindəki konserti zamanı səhnədə yıxılıb.

Lent.az xəbər verir ki, bu barədə Entertainment Weekly məlumat yayıb.

59 yaşlı müğənni “I Like It, I Love It” mahnısını ifa edərkən platformanın üzərində ayağını itirib və yerə yıxılıb. Lakin McGraw dərhal ayağa qalxaraq konserti davam etdirib.

Müğənni daha sonra sosial şəbəkədə hadisəyə yumorla yanaşıb. Konsertin hava şəraiti və səyahət problemləri səbəbindən 40 dəqiqə gec başladığı da bildirilib.