Makaron bişirmək ilk baxışda çox sadə görünür: su, duz və bir neçə dəqiqə. Amma bu sadə prosesdə belə yeməyin dadını kökündən dəyişən incə məqamlar var. Peşəkar aşpazlar kiçik sirləri bilirlər və məhz bu sayədə makaron daha aromatik, zəngin və adi qarnirdən tamamilə fərqli olur. Suya əlavə edilən bir sadə inqrediyent isə onu həqiqətən zərif yeməyə çevirə bilər.
Lent.az bu üsulu təqdim edir:
Makaron bişirərkən suya nə əlavə etmək lazımdır?
Əsas sirr suya bir xörək qaşığı zeytun yağı əlavə etməkdir. Bu yağ makaronlara yüngül ətir verir və dadını daha yumşaq edir. Bişirmə zamanı yağ nazik təbəqə yaradır, bu da makaronların bir-birinə yapışmasının qarşısını alır və teksturasını qoruyur.
Peşəkar aşpazların sözlərinə görə, zeytun yağı sadə məhsulların dadını daha da vurğulayır. O, makaronun təbii dadını ört-basdır etmir, əksinə onu daha dərin və zəngin edir. Bundan əlavə, makaron daha hamar və eyni zamanda elastik olur sanki restoranda hazırlanmış kimi.
Zeytun yağı necə düzgün əlavə edilməlidir?
Yağı makaronu əlavə etməzdən əvvəl, artıq qaynayan duzlu suya qatmaq lazımdır. Təxminən 3 litr suya 1 xörək qaşığı kifayətdir. Həddindən artıq əlavə etməmək vacibdir ki, yemək çox yağlı və ağır olmasın.
Makaronun daha dadlı olması üçün onu çox bişirməmək lazımdır bir qədər diri (al dente) qalmalıdır. Bişirdikdən sonra isə onu su ilə yumaq məsləhət deyil, çünki bu zaman sousun makaronun üzərinə yaxşı yapışmasına kömək edən təbii nişasta yuyulub gedir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
