Bu qidaları soyuq yemək lazımdır - SƏBƏB

Bəzi qidaların qızdırılmaması və soyuq yeyilməsi tövsiyə olunur - istiyə görə yox, bu şəkildə daha çox fayda gətirəcəyi üçün.

Lent.az xarici mediaya istinadla bildirir ki, Almaniya Qidalanma Cəmiyyətinin nümayəndəsi Antye Qalın sözlərinə görə, bu cür məhsullara makaron, kartof və düyü daxildir.

Bu qidaların tərkibində nişasta və karbohidratın yüksək olması qan şəkərinin artmasına səbəb olur. Lakin soyuq halda şəkər səviyyəsini tənzimləməyə kömək etməklə yanaşı, bağırsaqların işləməsinə də müsbət təsir göstərirlər.

“Yemək soyuduqda tərkibindəki nişasta parçalanma məhsulu kimi istehsal olunur. Bu, bağırsaq florasına müsbət təsir göstərir, qanda şəkər səviyyəsini tənzimləyir və hətta arıqlamağınıza kömək edə bilər”, - Qal söyləyib.

Mütəxəssisin sözlərinə görə, soyuq qidalardakı nişasta liflə eyni şəkildə mənimsənilir və bunun sayəsində bağırsaq florası güclənir və həzm yaxşılaşdırılır.

Şəkər səviyyəsinin tənzimlənməsi orqanizmin aclığı azaltmasına kömək edir və soyuq nişastalı qidalardakı kalori sayı azalır.