(R) Bu gün Qüdrət Həsənquliyev mitinq keçirəcək

BAXCP sədri, prezidentliyə namizəd Qüdrət Həsənquliyev bu gün saat 4-də Yasamal rayon İdman-Sağlamlıq Kompleksinin stadionunda seçicilərlə görüş-mitinq keçirəcək. Bu barədə Lent.az saytına açıqlama verən BAXCP sədrinin müavini Niyaməddin Orduxanlı bildirib. Onun sözlərinə görə, bu görüş bu seçkidə BAXCP liderinin xalqla ilk görüşüdür: "Liderimiz Qüdrət Həsənquliyevin apardığı seçki kampaniyası imkan verir ki, möhtəşəm görüş-mitinq keçirdək. BAXCP uzun illərdi Azərbaycan ictimai-siyasi həyatında öz mövqeyini möhkəmləndirib. BAXCP strukturları olan və Azərbaycanın bir çox bölgələrində təmsil olunan oturuşmuş bir partiyadır. Namizədimizin çox güclü potensialı var. Biz kütləvi mitinq keçirmək istəyindəyik. Bunun üçün BAXCP-də yüksək səviyyəli hazırlıq işləri aparılır. İnanırıq ki, bizim mitinqə xalqın böyük dəstəyi olacaq. Bir daha bütün tərəfdarlarımızı, xalqı Qüdrət bəyin mitinqinə dəvət edirik. Biz narazı elektoratın səsinə iddialıyıq. Bu seçkidə hamı görəcək ki, Qüdrət bəy həmin seçicilərin böyük əksəriyyətinin səsini qazana biləcək. Şəxsən mən buna çox inanıram. Mitinqin əsas şüarları da bunlardı: "Parlamentli İV Respublika", " Bütöv və Qüdrətli Azərbaycan uğrunda", "Biz bacararıq", "İşğala son" və "Qarabağın azad edilməsi müharibədən keçir".