Milli Şura dekabrın 15-ə təyin etdiyi mitinqi prezident seçkilərində olduğu kimi yenə “Məhsul” stadionunda keçirmək istəyir.
Bu barədə Lent.az-a Milli Şuranın üzvü Tural Abbaslı məlumat verib.
O bildirib ki, artıq mitinq keçirməyə razılıq verilməsi üçün Bakı Şəhər İcra Hakimiyyətinə məktubla müraciət edilib.
Müsavat Partiyasının Divan üzvünün sözlərinə görə, BŞİH-dən mitinq keçirmək üçün “Məhsul” stadionunu, Nəsimi rayonunda 1-ci mikrorayon ərazisindəki parkı, Nərimanov rayonu “Ulduz” metrostansiyasının qarşısındakı meydançanı, Binəqədi rayonu “Dərnəgül” metrostansiyasının yaxınlığında meydançanı və Nərimanov rayonu ərazisindəki Nərimanov parkını istəyiblər.
BŞİH-in icazə verdiyi bu yerlərdən birində dekabrın 15-də saat 16:00-dan 18:00-adək mitinq keçiriləcək.
MŞ üzvü bildirib ki, mitinqdə əsasən “Bahalaşmaya son”, “Qiymətlər endirilsin”, “Dövlət əhaliyə xidmət üçündü” kimi şüarlar səsləndiriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
