Siyavuş Novruzov Ukrayna hadisələrindən danışdı - YENİLƏNİB

Yeni Azərbaycan Partiyasının icra aparatının sədr müavini Siyavuş Novruzov iqtidar-müxalifət dialoqundan danışıb.

Lent.az-ın məlumatına görə, deputat jurnalistlərə açıqlamasında deyib ki, Azərbaycan hakimiyyəti ilə müxalifət arasında dialoq mütəmadi olaraq aparılır: “Müxalifətin müxtəlif qanadları var. Kimsə burada özünü kənara çəkib dialoqda iştirak etmir, ancaq biz, parlamentdə təmsil olunan digər müxalifət partiyaları ilə mütəmadi dialoq aparırıq.

Yap rəsmisi eyni zamanda son günlərdə Ukraynada yaşanan hadisələrin Azərbaycanda da baş verə biləcəyi ehtimalından danışıb. O deyib ki, bu hadisələr Azərbaycanda təkrar oluna bilməz, çünki ölkəmizdə xalqla iqtidar bir yerdədir.

Deputat bildirib ki, kimsə nəyisə bəhanə etmək istəyirsə, onlar heç bir nəticə verməyəcək: “Azərbaycan xalqı öz prezidentin dəstəkləyir. Xalqımız bir neçə ay öncə çox böyük səs çoxluğu ilə öz prezidentini seçib və onun siyasətini müdafiə edir. Milli Şura adlı qurum iflasa uğrayıb və artıq belə bir qurum yoxdur”.