Vitse-spiker: “Uzun müddətdi deputatların maaşları artmırdı”

Milli Məclisin vitse-spikeri Ziyafət Əsgərov deputatların maaşlarının qaldırılmasına münasibət bildirib.

Lent.az-ın məlumatına görə, Z. Əsgərov jurnalistlərə açıqlamasında deyib ki, deputatların maaşlarında uzun müddət artım olmayıb və bu səbəbdən də bu artımın olması normaldır: “Nədənsə ancaq parlament üzvlərinin əmək haqlarının artımı cəmiyyətdə ajiotaj yaradır. Bu hadisəni nə iləsə əlaqələndirməyə cəhd edirlər, amma bunun heç bir mənası yoxdur”.