Dərnəgüldə sökülən obyektlərin sahiblərinə kompensasiya veriləcək

«APA-ECONOMICS»in məlumata görə, bunu Nəqliyyat Nazirliyi «Azəryolservis» ASC-nin sədri Cavid Qurbanov bildirib. Onun sözlərinə görə, inşaat işləri zolağında qanunsuz tikililər də var: «İstənilən halda biz bütün tikililərin sahiblərini köçürməli olacağıq».

Qeyd edək ki, Z.Bünyadov prospekti Bakı şəhərinin şimal istiqamətinə əsas çıxışını təmin edən magistrallardan biri sayılır. Bu prospekt başlanğıcını Nəsimi rayonu ərazisindən, Alı Mustafayev, Rəşid Məmmədov və Abdulvahab Salamzadə küçələrinin kəsişməsindən («Xutor dairəsi») götürür və Böyük Şor yol qovşağınadək («M.Əzizbəyov» metro stansiyasının ətrafı) təqribən 9 km uzanır.

Prospektin yenidən qurulması nəticəsində onun eni indiki 40 metrdən 50-60 metrədək artırılacaq. Yenidənqurmadan sonra «Xutor dairəsi»ndən Azadlıq prospekti ilə kəsişməsinədək hissə 12 zolaqlı, sonrakı hissə 10 zolaqlı olacaq. Hər zolağın eni 3,75 metr nəzərdə tutulub. Yenidənqurma işləri çərçivəsində prospektin üzərində 4 yeni yol ötürücü qovşağı tikiləcək, bir qovşaq isə («Çermet körpüsü» adlanan ərazidəki) yenidən qurulacaq.