Dərslik tenderinin nəticələri bəllidir

Təhsil Nazirliyinin yeni dərsliklərin hazırlanması ilə bağlı elan etdiyi tenderin nəticələri artıq bəllidir.

Nazirliyin dərslik və nəşriyyat şöbəsinin müdiri Faiq Şahbazlı Lent.az-a bildirib ki, müsabiqədə qalib gələnlərin siyahısı tender komissiyasının günün ikinci yarısında keçiriləcək iclasında elan olunacaq. İclasa Maliyyə Nazirliyinin, İqtisadi İnkişaf Nazirliyinin, Satınalmalar üzrə Dövlət Agentliyinin təmsilçiləri, iştirakçı nəşriyyatların nümayəndələri də qatılacaq.

Faiq Şahbazlı deyib ki, 2010-cu ildə Təhsil Nazirliyinin VII-XI sinif dərsliklərini çapı ilə bağlı elan etdiyi tenderə 8 nəşriyyat təklif göndərib. Bunlar “Poliqraf”, “Təhsil”, “Şərq-Qərb”, “Bakı”, “Kövsər”, “Çaşıoğlu”, “Elm-İstehsalat Firması”, “Xəzər Etiket” nəşriyyatlarıdır. Onun sözlərinə görə, həmin nəşriyyatlardan hansının qalib seçildiyi tender komissiyasının iclasında məlum olacaq.

Elxan SALAHOV