43782 abituriyent ərizəsini təsdiqləyib

2011-2012-ci tədris ilində ali təhsil müəssisələrinə və tam orta təhsil bazasından orta ixtisas təhsil müəssisələrinə qəbul imtahanlarında iştirak etmək üçün abituriyentlər mayın 31-dək internet vasitəsilə elektron ərizələrini doldurmalı və tələb olunan sənədləri sənəd qəbulu komissiyalarına təqdim edərək ərizələrini təsdiq etdirməlidirlər. Lent.az-ın məlumatına görə, Tələbə Qəbulu üzrə Dövlət Komissiyası (TQDK) bölmə və ixtisas qrupları üzrə təsdiqlənmiş elektron ərizələrin sayı haqqında olan məlumatı açıqlayıb.

Verilən məlumata görə, bu günə qədər 43782 abituriyent elektron ərizəsini təsdiqləyib. Bunlardan 35043 abituriyent Azərbaycan bölməsinə, 8739 abituriyent isə rus bölməsinə müraciət edib.

TQDK mayın 15-də 25 rayon və şəhərində sınaq imtahanlarında keçirəcək. İmtahanlar Bakı, Naxçıvan, Gəncə, Sumqayıt, Mingəçevir, Şəki, Şirvan, Gədəbəy, Lənkəran, Quba, Masallı, Salyan, Balakən, Göyçay və Naxçıvan MR-nın rayonlarında baş tutacaq.