Nəqliyyat, Rabitə və Yüksək Texnologiyalar Nazirliyinin əvvəlki mətbuat katibi Zamirə Ədilova iş yerindən ayrılıb.
Lent.az xəbər verir ki, bu barədə onun özü məlumat verib. Z.Ədilova öz xahişi ilə işdən çıxdığını bildirib:
“Bu gün istər karyeramda, istərsə də şəxsi inkişafımda özünəməxsus rolu olan 11 illik iş yerimdən, nazirlikdən ayrıldım. Bu nazirlikdə böyüyərək, hər zaman, diqqət və qayğı görmüşəm. Elə bu nazirlikdən ayrılanda da bu qayğını ən yüksək formada gördüm. Yeni layihələrdə görüşmək ümidi ilə”.
Qeyd edək ki, bir həftə əvvəl nazirliyə yeni mətbuat katibi təyin olunub. Bu, tanınmış jurnalist və teleaparıcı Günel Gözəlovadır.
Bu təyinata qədər Günel Gözəlova “Azərpoçt” MMC-nin İctimaiyyətlə Əlaqələr şöbəsinin müdiri olub.
Onu da bildirək ki, yeni təyinatdan sonra Z.Ədilova nazirlikdə media ilə işləyən mütəxəssis kimi fəaliyyətinə davam edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
