Yeni İstanbul tikiləcək

Türkiyə Qara dəniz sahillərində bütün infrastrukturlara malik, yeni texnologiya ilə təchiz olunmuş yeni İstanbul tikmək niyyətindədir.

Lent.az-ın “gazeteport.com.tr” saytına istinadən verdiyi məlumata görə, layihəni ABŞ-ın Miçiqan Universiteti hazırlayıb. Yeni İstanbulun simvolu göydələnlər olacaq. Türklər dünyanın ən yaxşı şəhərini ərsəyə gətirmək istəyir və şəhər külək və günəş enerjisi ilə təmin olunacaq. 3 milyon insanın yaşayacağı yeni İstanbulun 2 dəniz limanı, 1 aeroportu olacaq.

Yeni İstanbulun tikintisinin nə vaxt başlanacağı hələ açıqlanmır.