Saxta diplom satanlar yaxalanıb

Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində saxta diplomların alqı-satışı ilə məşğul olan dəstə saxlanılıb. Lent.az-ın Daxili İşlər Nazirliyinin saytına istinadən verdiyi xəbərə görə,
Bakı şəhər sakinləri Məhəmməd Şahməmmədov, Ceyhun Nəcəfov, Azif Hüseynov və Şəki rayon sakini Musa Musayevdən Rusiya Federasiyasının və Azərbaycan təhsil müəssisələrinə aid 6 ədəd diplom, saxta diplom alınması üçün 10 ədəd attestat, 2 ədəd şəhadətnamə, 3 ədəd ümumvətəndaş pasportu və digər sənədlər aşkar edilərək götürülüb.

Faktla bağlı araşdırma aparılır.