Türkiyədə yeniyetmə şəlalədə faciəvi şəkildə ölüb.
Lent.az yerli mediaya istinadla bildirir ki, hadisə Kayseri rayonunun, Yəhyalı qəsəbəsində baş verib.
Məlumata görə, ailəsi ilə birlikdə rayon ərazisində yerləşən Kapuzbaşı şəlalələrinə gedən 14 yaşlı Ela Nur Ç. Cənub Şəlaləsində tarazlığını itirərək suya düşüb. Güclü axın onu aparıb və yeniyetmə qısa müddət sonra gözdən itib. Hadisə barədə məlumat daxil olduqdan sonra ərazidə axtarış-xilasetmə əməliyyatına başlanılıb.
Xilasedicilərin apardığı axtarışlar nəticəsində Ela Nur Ç.-nin meyiti hadisə yerindən təxminən 1 kilometr aralıda, Zamantı çayında tapılıb. Yeniyetmənin meyiti məhkəmə-tibbi ekspertizası üçün xəstəxananın morquna aparılıb.
Faktla bağlı araşdırma başlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
