Təyyarə evin damına çırpıldı, ölən var

Almaniyanın şimal-qərbindəki Qanderkeze şəhərində yüngülmühərrikli təyyarə evin damına çırpılıb.

Lent.az xarici mediaya istinadən xəbər verir ki, təyyarə yerli vaxtla təxminən saat 11:00-da yaşayış binasının mansardına (dam örtüyünə) düşüb. Həlak olan şəxsin kişi olduğu müəyyənləşdirilib, lakin onun pilot olub-olmadığı hələlik məlum deyil. Xilasedicilər, həmçinin təyyarədə olduğu ehtimal edilən ikinci şəxsi axtarırlar.

Hadisə baş verən zaman binada yaşayan ailə evdə olmayıb. Bununla belə, xilasedicilər uçma təhlükəsi səbəbindən hələlik aşağı mərtəbələrdən binanın içinə daxil ola bilmirlər.