Ailəliklə pomidor turşusundan zəhərləndilər

Ağcabədi rayonunda kütləvi zəhərlənmə olub. Lent.az-ın məlumatına görə, rayonun İmanqulubəyli kəndində yaşayan ailənin üzvləri pomidor turşusundan zəhərlənib. Gecə saatlarında rayon xəstəxanasına yerləşdirilən ailənin 5 üzvünə tibbi yardım göstərilib.

Bildirilir ki, zəhərlənən şəxslərin həyatına hər hansı təhlükə yoxdur. Onların vəziyyəti kafi qiymətləndirilir.

Qeyd edək ki, ailə başçısı ilə yanaşı, həyat yoldaşı və övladları da zəhərlənib.