İkinci qrup əlil maşınla qadını vurub öldürdü

Bakıda piyadanın ölümü ilə nəticələnən daha bir yol qəzası baş verib. Sabunçu rayon Polis İdarəsindən Lent.az-a verilən məlumata görə, Kürdəxanı qəsəbəsi ərazisində Maştağa sakini, 1963-cü il təvəllüdlü Nuriyev İlham Dadaş oğlu idarə etdiyi “VAZ-2107” markalı, 10 CT 665 dövlət nömrə nişanlı avtomobillə yolu keçmək istəyən qadını vurub. Nəticədə piyada, 1958-ci il təvəllüdlü Leyla Şükürova aldığı xəsarətlərdən hadisə yerindəcə keçinib.

Faktla bağlı araşdırma aparılır.

Qeyd edək ki, qəzanı törədən sürücü, 51 yaşlı İ.Nuriyev ikinci qrup əlildir.