“Barselona” daha bir gənc futbolçusu ilə yeni müqavilə imzalayacaq.
Lent.az-ın apasport.az-a istinadən məlumatına görə, yarımmüdafiəçi Qavinin uzun müddət komandada qalacağı dəqiqləşib.
18 yaşlı orta sahə oyunçusu kataloniyalılarla əməkdaşlığını uzun müddət davam etdirəcək. Çünki tərəflər sözləşmənin 2026-cı ilin yayına qədər uzadılmasını razılaşdırıblar. Müqavilədə Qavinin sərbəst qalma məbləği 1 milyard avro göstəriləcək.
Qeyd edək ki, “Barselona”nın akademiyasında yetişən Qavi ötən ildən əsas komandaya cəlb olunur.