Azərbaycan Mərkəzi Bankı “Birlikbank” ASC-nin bank lisenziyasının ləğv edilməsinə dair mətbuatdan daxil olan sorğularla bağlı açıqlama yayıb.
Lent.az-ın məlumatına görə, açıqlamada bildirilir ki, “Birlikbank” ASC cari fəaliyyətini prudensial və etibarlı qaydada həyata keçirməyib və bu, bankın maliyyə vəziyyətinin pisləşməsinə səbəb olub. Bankda yaranmış vəziyyət, eləcə də qanunvericiliyin və müxtəlif normativ aktlarının tələblərinin pozulması ilə əlaqədar Azərbaycan Mərkəzi Bankının banka rəsmi xəbərdarlıqlar etməsinə baxmayaraq, maliyyə vəziyyətinin yaxşılaşdırılması və institusional inkişafın təmin olunması istiqamətində göstərişlərə əməl edilməyib və nəticədə bank ödəniş qabiliyyətini itirib.
Açıqlamada o da qeyd olunur ki, bank sektoru və dövlət orqanları qarşısında vaxtı keçmiş öhdəliklərini yerinə yetirə bilməməsi, habelə aktivlərin keyfiyyətinin və onların idarəetmə səviyyəsinin məqbul səviyyədə olmaması, Mərkəzi Bankın qanunvericiliyə uyğun olaraq verdiyi yazılı göstərişlərə riayət etməməsi ilə əlaqədar Mərkəzi Bankın İdarə Heyətinin 24 yanvar 2011-ci il tarixli qərarı ilə “Banklar haqqında” qanun əsasında bankın lisenziyası ləğv edilib. Bu barədə “Xalq” qəzetinin 28 yanvar 2011-ci il tarixli sayında müvafiq məlumat dərc olunub.
İdarə Heyətinin qərarı ilə “Birlikbank” ASC-yə müvəqqəti inzibatçı təyin edilib və qanunvericiliyə uyğun olaraq növbəti hüquqi prosedurlar həyata keçirilir. Müvəqqəti inzibatçı bankın yerləşdiyi müvafiq ünvanda fəaliyyət göstərir (Bakı şəhəri, Xətai rayonu, Nobel prospekti, 23).
Xatırladaq ki, 28 fevral 2011-ci il tarixinə respublikada 44 bank fəaliyyət göstərir. Bunlardan 1-i dövlət, 43-ü isə kommersiya bankıdır.
Mərkəzi Bankdan “Birlikbank”la bağlı açıqlama gəldi
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
592
Oxşar yazılar
"Azercell" ADA-nın Karyera Hazırlığı Həftəsində iştirak edib - VİDEO
17 may 2024 , 18:06
Mahayət Nəbiyev: “Kristal Abşeron" tikintidə enerji qənaəti üçün innovativ texnologiyalarda istifadə edir
17 may 2024 , 17:50
"Kapital Bank"ın 2023-cü ilin yekunlarına həsr olunmuş mətbuat konfransı keçirilib
17 may 2024 , 15:29
“Nar” voleybol üzrə milli komandalarımıza Qızıl Avropa Liqasında uğurlar arzulayır
17 may 2024 , 12:57
"Unibank"ın biznes üçün “Bahar endirimi” kampaniyası davam edir
17 may 2024 , 10:57
Sabah Sumqayıtın bu ərazilərində qaz kəsiləcək
16 may 2024 , 17:04“Azərsun Holdinq” sərgidə qida, qeyri-qida və kənd təsərrüfatı stendləri ilə təmsil olunur
16 may 2024 , 15:57
