Azərbaycan “cip” istehsalına başlayır –

Bu barədə “APA-ECONOMICS”ə Naxçıvan Avtomobil Zavodunun satış və marketinq departamentinin direktoru Tamerlan Abdullazadə bildirib. Onun sözlərinə görə, hazırda bununla bağlı hazırlıq işləri aparılır.

Xatırladaq ki, hazırda zavodda “Lifan” avtomobilləri 4 modifikasiyada buraxılır – “Lifan-320”, “Lifan-520”, “Lifan-520i” və “Lifan-620”. Avtomobillərin mühərriklərinin həcmi 1,3-1,6 litr, qiymətləri 8 200-12 400 manat arasındadır.

Zavodda taksi avtomobilləri də istehsal edilir - onların qiyməti 11 800 manat, kreditlə 12 700 manat təşkil edir. Taksi avtomobilləri 30% ilkin ödənişlə 2 illiyə satılır. Sığorta, icbari sığorta və notarius haqqı da daxil olmaqla ilkin ödənişin məbləği 4203 manat təşkil edir. Avtomobillərə 2 il və ya 40 min kilometr üçün zəmanət verilir. İndiyədək zavodda 280 ədəd taksi avtomobili istehsal edilib. Ondan 240 ədədi satılıb, 40-nın da sifarişçiləri var. Taksi avtomobillərinin hamısının alıcısı Naxçıvan MR-dədir.

Naxçıvan Avtomobil Zavodunun istehsal gücü 5 min avtomobildir. Bu il 2 minə yaxın avtomobilin istehsalı nəzərdə tutulur.