Pomidorlar tez-tez yetişmiş kimi görünsə də, dadı solğun və qoxusuz olur. Xüsusilə mağazadan alınan pomidorlar tez-tez tam yetişməmiş halda yığıldığı üçün bu hal daha çox müşahidə olunur.
Lent.az bu sadə üsulu təqdim edir:
Pomidoru necə daha dadlı etmək olar
Pomidoru bananla birlikdə kağız paketə qoyun və otaq temperaturunda bir gecə saxlayın. Səhər isə onun daha yumşaq və ətirli olduğunu görəcəksiniz. Bu üsulun sirri ondadır ki, banan etilen adlı təbii qaz ifraz edir.
Bu qaz yetişmə prosesini sürətləndirir və pomidorun dadının və qoxusunun daha yaxşı açılmasına kömək edir. Bu üsul yalnız pomidor üçün deyil. Eyni qayda ilə avokado, şaftalı və armudun da daha tez yetişməsini təmin etmək mümkündür.
Nə etmək olmaz
Paketi soyuducuya qoymayın. Aşağı temperatur yetişmə prosesini ləngidir və pomidorları sulu və dadsız edir. Pomidoru paketdə çox saxlamayın. Uzun müddət qalarsa, həddindən artıq yumşala bilər.
İstifadədən əvvəl pomidoru soyuducudan 20-30 dəqiqə əvvəl çıxarın otaq temperaturunda dadı daha yaxşı açılır. Bir çimdik duz əlavə edin bu, təbii dadı gücləndirir. Servisdən dərhal əvvəl doğrayın beləliklə, şirəliliyini qoruyur. Bu sadə üsullarla adi mağaza pomidorları belə daha dadlı və ətirli ola bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
