Restoranlarda heç vaxt sifariş edilməməli olan bir çox yemək var və bu, həmişə dad və ya təhlükəsizliklə bağlı olmur. Redditlər aşpazların və restoran işçilərinin özlərinin sifariş etmədiyi və başqalarına da tövsiyə etmədiyi bir balıq növünü açıqlayıblar.
Lent.az xarici mediaya istinadən xəbər verir ki, bir çox insan bu balığı ətə bənzər teksturasına və “balıq dadının” az hiss olunmasına görə sevir. Lakin bu balıqda tez-tez gözlə görünən parazitlər nematodlar və qurdlar olur. Onlar canlı halda insan orqanizminə düşərsə təhlükəli ola bilər.
Reddit istifadəçiləri həmçinin bu balıqla bağlı olduqca xoşagəlməz detalları da bölüşüblər.
“Bir dəfə aşpazın bu balığı necə doğrayıb təmizlədiyini görmüşəm və bu, heç də xoş mənzərə deyil. Belə böyük balıq həyat boyu çoxlu parazit toplayır və onlar sahibinin öldüyünü anlayan kimi dərhal çıxmağa başlayır”, - istifadəçilərdən biri yazır.
“Balıq təmizləndikdən sonra qurdların dəridən çıxaraq masaya düşdüyünü görəcəksiniz. Onlar tez ölür və balıq düzgün hazırlandıqda problem yaratmır, amma bunu izləmək çox iyrəncdir”, - başqa biri qeyd edib.
Məlumata görə, balığı 60°C temperaturda bişirmək və ya -20°C-də dondurmaq parazitləri və onların sürfələrini məhv edir. Buna baxmayaraq, bu, insanların yeməkdə görmək istədiyi “əlavə” deyil.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
