Rusiya prezidenti Vladimir Putinin "Rusiya İranın və regiondakı digər ölkələrin maraqları naminə hər şeyi edəcək" açıqlamasının əks-sədaları davam edərkən, ABŞ mətbuatında yeni bir iddia ortaya çıxıb.
Lent.az xarici KİV-ə istinadla bildirir ki, məlumatlara görə, Moskva administrasiyası müharibəyə qarışa bilər və İrana qabaqcıl pilotsuz uçuş aparatları göndərməyə hazırlaşır.
ABŞ və İran arasında danışıqların pozulmasından sonra beynəlxalq mətbuatda diqqətəlayiq iddialar ortaya çıxıb. ABŞ mediası Rusiyanın bu prosesə birbaşa müdaxilə edə biləcəyini irəli sürüb.
ABŞ və İran arasında danışıqlar Hörmüz boğazındakı gərginlik səbəbindən dayandırılıb. ABŞ-ın bölgədəki blokadasını davam etdirməsindən sonra İranın danışıqlar masasından uzaqlaşdığı, ABŞ prezidenti Donald Trampın isə İranın neft infrastrukturunu hədəf ala biləcəklərini bildirdiyi iddia edilir.
ABŞ mətbuatında yer alan xəbərlərə görə, Moskva administrasiyası İranı dəstəkləmək üçün hərəkətə keçib. Xəbərdə iddia edilir ki, Rusiya İrana kəşfiyyat məlumatları, o cümlədən Amerika hərbi gəmilərinin və hərbi personalının yerini göstərən peyk görüntüləri təqdim edir.
Avropalı rəsmilərə əsaslanan məlumata görə, Rusiyanın İrana təkcə kəşfiyyat məlumatları deyil, həm də inkişaf etmiş pilotsuz uçuş aparatları göndərməyə hazırlaşdığı iddia edilir.
Sankt-Peterburqda İranın xarici işlər naziri Abbas Əraqçi ilə görüşən Putin bildirib: "Rusiya İranın və regiondakı digər ölkələrin maraqları naminə hər şeyi edəcək. İran xalqının birliyi və cəsarəti sayəsində əvvəllər İsrail-Amerika təcavüzünə müqavimət göstərib və heç bir halda təslim olmayacaq. İran xalqı bütün dünyaya sübut edib ki, Amerika təcavüzünə qarşı uğurla mübarizə aparıb. İran hər şeyə müqavimət göstərib və göstərməyə davam edəcək".
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
