12 rayonda IX-XI sinif şagirdləri imtahan verdi

Təhsil Nazirliyi fevralın 20-də daha 12 bölgədə ümumtəhsil məktəblərinin IX-XI sinif şagirdləri üçün sınaq imtahanları keçirib.

Nazirlikdən Lent.az-a verilən məlumata görə, dünənki imtahanlar Şirvan şəhəri, Ağcabədi, Hacıqabul, Kürdəmir, Saatlı, Sabirabad, Beyləqan, İmişli, Ucar, Zərdab, Laçın və Cəbrayıl rayonlarının orta məktəblərində təşkil olunub. keçirilib.

Nazirlikdə bildirirlər ki, bu il orta məktəblər üzrə sınaq imtahanları təhsil naziri Misir Mərdanovun müvafiq əmrinə əsasən, 12 fevral – 17 aprel aralığında keçirilir. İlk isınaq imtahanları fevralın 12-13-də Bakı şəhər məktəblərinin orta məktəblərində keçirilmişdi. İmtahanlar test üsulu ilə keçirilir və əldə olunan nəticə şagirdlərin attestat qiymətlərinə də təsir göstərəcək. XI sinif şagirdləri üçün sınaq imtahanları 8 fənn, IX sinif şagirdləri üçün isə 2 fənn üzrə keçirilir.

Təhsil Nazirliyində bildirirlər ki, bazar günü keçirilən sınaq imtahanlarının nəticələri bir həftəyə açıqlanacaq.

Elxan SALAHOV