“Akdamardan Sarı Gəlinədək erməni yalanı”

Yeni Azərbaycan qəzetinin baş redaktoru, əməkdar jurnalist, publisist Hikmət Babaoğlunun “Akdamardan Sarı Gəlinədək erməni yalanı” kitabı işıq üzü görüb. Lent.az-ın verdiyi məlumata görə, Hikmət Babaoğlu bu kitabında ermənilərin Azərbaycan xalqının tarixinə, maddi və mənəvi abidələrinə qarşı törətdikləri sistemli saxtakarlıqdan bəhs edilir.

Kitabda erməni yalanları əsaslı elmi arqumentlərlə alt-üst edilir. Tariximizin nisbətən az öyrənilmiş dövrlərinə yeni rakursdan aydınlıq gətirilir. “Akdamardan Sarı Gəlinədək erməni yalanı” 3 müstəqil məqalədən ibarət olsa da, bu məqalələr əslində ideya və məzmun etibarilə bir-birinin davamıdır.

Kitabda həm qədim alban dövründə aid olan abidlərimiz, həm Azərbaycanda xristianlıqdan islama keçid dövründə baş vermiş dini-ideoloji kataklizmlər, həm də mənəvi sərvətimiz olan musiqi nümunələrimiz təhlil edilir, onların tarixi və yaranması məsələləri elmi tədqiqata cəlb olunur.