Azerfon-Vodafone qan donorları bazasının yaradılmasını dəstəkləyir!

Təqdim edilən veb səhifənin əsas məqsədi Azərbaycanda ilk dəfə olaraq könüllü donorların elektron bazasını yaratmaqdır. Bununla da, qana ehtiyacı olan və eyni zamanda qanvermə ilə bağlı hər hansı bir sualı olan insanlar rahatlıqla müraciət edərək istənilən informasiyanı sayt vasitəsi ilə əldə edə biləcəklər.

“Azerfon-Vodafone” hər zaman sosial layihələri dəstəkləyərək diqqət mərkəzində saxlayır və onlara qayğı göstərir. Layihə zamanı toplanacaq qan daha sonra irsi qan xəstəliklərindən əziyyət çəkən uşaqların müalicəsində təmənnasız istifadə olunacaqdır.

Qeyd edək ki, “Qan Donorlari Assosiasiyası” İctimai Birliyi Respublikada qan donorluğunun inkişafına dəstək məqsədi ilə 2007-ci ilin sentyabrında bir qrup könüllü qan donorlarının təşəbbüsü ilə təsis olunmuşdur. Birliyin əsas məqsədi respublikada daimi könüllü qan donorlarından ibarət milli donor şəbəkəsini yaratmaq və qan ehtiyacı olan insanlara dəstək olmaqdır.