Obama homoseksual və lesbiyanlarla işləməyə üstünlük verir

Barak Obama administrasiyasında rekord sayda qeyri-ənənəvi seksual oriyentasiyalı məmurlar var.

Lent.az-ın “korrespondent.ru” saytına istinadən verdiyi məlumatlara görə, hazırda ABŞ Prezident Administrasiyasında seksual azlığa məxsus olduqlarını gizlətməyən 150 nəfər çalışır.

Bill Klintonun dövründə administrasiyada açıq şəkildə seksual azlığın nümayəndəsi olduğunu etiraf edən 140 nəfər işləyib. Ancaq Barak Obamadan fərqli olaraq, Bill Klinton 2 dəfə ardıcıl prezident postunda əyləşib və 10 il ərzində bu qədər seksual azlıq nümayəndəsini administrasiyada işlə təmin edib.

Barak Obama isə seksual azlıqların nümayəndələrini Ağ Evə elə and içdikdən dərhal sonra dəvət edib. O, Prezident Administrasiyasının Kadrlar İdarəsinə homoseksual, Smitsonovsk zooparkının keçmiş baş direktoru Con Berrini rəis təyin edib. Ekoloji siyasət məsələləri üzrə Şuraya lesbiyan Nensi Satli rəhbərlik edir. Ticarət nazirinin baş məsləhətçisi isə transseksual Amanda Simpsondur.