İşıqlandırma məkanın ab-havasını və memarlıq qavrayışını formalaşdırır. Lakin dizaynerlərin sözlərinə görə, məhz bu sahədə ən çox tipik səhvlərə yol verilir.
Lent.az xarici mediaya istinadla xəbər verir ki, ən uğursuz variant isə tək bir üst tavan işığıdır.
Belə işıq məkanı yastı göstərir, sərt kölgələr yaradır və interyerdə dərinlik hissini yox edir. Mütəxəssislər məsləhət görür ki, ümumi, işçi və aksept (vurğulayıcı) işıqlandırmanın kombinasiyasından istifadə edilsin. Bu yanaşma məkanı daha düşünülmüş və rahat göstərir.
İkinci geniş yayılmış səhv soyuq, mavi çalara malik lampalardır. Bu cür işıq otağa “ofis ab-havası” verir, insanların dəri tonunu və rəngləri qeyri-təbii göstərir. Dizaynerlər 2700K diapazonunda olan isti işıq mənbələrinə üstünlük verməyi tövsiyə edirlər. Belə işıq yumşaq və rahat atmosfer yaradır.
İşıqlandırma seçərkən ölçü və proporsiyalar da böyük əhəmiyyət daşıyır. Həddindən artıq kiçik və ya çox iri işıqlandırma qurğusu, nə qədər gözəl olsa belə, otağın balansını poza bilər. İşıqlandırma elementi tavanın hündürlüyünə, masanın ölçüsünə və ümumi məkanın miqyasına uyğun seçilməlidir ki, təsadüfi dominant yox, harmonik detal kimi görünsün.
Keyfiyyət və üslub da ilk baxışdan hiss olunur. Ucuz, həddindən artıq bəzəkli və ya interyerin üslubuna uyğun olmayan lampalar vizual səs-küy yaradır və məkanı ucuz göstərir. Dizaynerlər material və forma baxımından bir-biri ilə uyğunlaşan işıqlandırma elementlərini tövsiyə edirlər. Mat və bir qədər köhnəlmiş metal səthlər, həmçinin interyerin memarlığını dəstəkləyən dizayn daha uğurlu nəticə verir.
LED lentlər yalnız görünmədikdə bahalı təsir bağışlayır. Tavanın kənarı boyunca açıq şəkildə yerləşdirilən “işıq girlyandaları” interyeri tez bir zamanda amatör görünüşə salır. Peşəkarlar bu lentləri profilin içində, karnizin arxasında, nişlərdə və ya soffitlərdə gizlədirlər ki, yalnız yumşaq və səpələnmiş işıq effekti hiss olunsun.
Dizaynerlərin fikrincə, daxili məkanı ən tez köhnə və “büdcə” göstərən detallardan biri də tavanın içinə yerləşdirilmiş klassik “boşqab” tipli plafonlar və köhnə dəbli çilçıraqlardır. Hətta təmir etmədən belə, bu cür işıqları xarakterə malik asma və ya yarıasmalı modellərlə əvəz etmək məkanı daha hündür, dolğun və tamamlanmış göstərir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
